Tuesday, May 4, 2010

விதிபடி வரும்


நாம் வங்கியில் பணம் போடுகிறோம், ஆண்டு கூட்டுவட்டி (Annual compound interest) தருவதாக வைத்து கொள்வோம், எத்தனை ஆண்டுகளில் அது இரட்டிப்பாகும்? கணக்கிட, ஒரு சுலப வழி சொல்லித் தருகிறேன்.

The Rule of 72 (விதி 72)

எழுபத்தி இரண்டை வட்டியால் வகுத்துக் கொள்ள வேண்டும்.

உதாரணம், வட்டித் தொகை 10% என்று வைத்துக்கொள்வோம்,

72 / 10 = 7.2 வருடம்
நாம் போட்ட தொகை 7 வருடத்தில் இரட்டிப்பாகி விடும்.

இதுவே வட்டி எட்டு சதவீதம் என்றால் நமது பணம் இரட்டிப்பாக
72 / 8 = 9 வருடம் ஆகும்.

இன்னொரு வழி, நாம் போடும் பணம் 15 வருடத்தில் இரட்டிப்பாக வேண்டுமென்றால் எத்தனை சதவீத வட்டி வேண்டும்.
72 / 15 = 4.8%

எல்லாம் சரி, பணம் போட முதல் இல்லை என்கிறீர்களா?
விதி (இதை விளக்குவதாய் இல்லை).

டெக்னாலஜி - நீ கேளேன்!

கடுமையான பணி.


அலுவலகங்களில் வேலை செய்யும் அனைவரும் கட்டாயம் சொல்லும் வார்த்தைதான் மேலே சொன்னது.

என் விஷயத்தில் கடினமான பணி என்பதையும் சேர்த்து கொள்ளலாம். நிறைய பேர் மெனக்கெட்டு உழைப்பாங்க (hard workers) ஆனால் இவ்வளவு கஷ்டபட தேவையில்லை. நமக்கு குறித்த நேரத்திற்குள் வேலை முடியனும். அதுக்கு smart work (புத்திசாலித்தனம்) கொடுத்தா போதும் என்றார், ஒரு முறை என் மேலாளர். எவ்வளவு ஸ்மார்ட்டா வேலை செய்யறீங்களோ அதுலதான் உங்களுக்கு Appreciation இருக்கு. இருக்கும்.

நிஜம் தான்.

கொஞ்சம் யோசிச்சா நாமும் தினப்படி வாழ்க்கையில் இந்த ஸ்மார்ட்னெஸ்ஸை கொண்டுவரலாம். வளர்ந்து வரும் தொழில் நுட்பத்தை நமக்கு சாதகமாக எப்படி பயன்படுத்தலாம்? இதைப்பத்தி ஒரு சிறப்பு பார்வை பார்க்கலாம்.

காரணம், இளைஞர்கள் நிரம்பியிருக்கும் இந்தியா. தொழில் நுட்ப துறையில் பணி புரியாவிட்டாலும், தொழில் நுட்ப வளர்ச்சிகளை நுகர விரும்பும் நபர்களாகத்தான் நாம் இருக்கோம். அதுல எப்படி ஸ்மார்ட்னெஸ் கொண்டு வருவது ஒவ்வொன்னா பார்க்கலாம்.


1. Learn Computer - கம்ப்யூட்டர் கற்றுக் கொள்வது. கடிதம் எழுதுவது, கணக்குகள் போடுவது என தொடங்கி போக போக நிறைய கற்று கொள்ளலாம். இது ஒரு ஆரம்பம். பரிச்சயமான பிறகு இதன் பயன் புரிய ஆரம்பிக்கும். நாம் நினைப்பது போல் கம்ப்யூட்டர் கற்பது அவ்வளவு கடினமல்ல.

2. Secure your PC - கணினி இருந்தால் சொந்தமாகவே Internet Security உள்ள Antivirus வாங்கி இன்ஸ்டால் செய்து விடுவது நல்லது. இணையத்திலும் பாதுகாப்பாக உலவலாம், வைரஸ் அட்டாக்கில் இருந்து தப்பிக்கலாம். இதை செய்யாததால் ஏற்படும் பிரச்சனைகள் அதிகம். முதலில் தகவல் பறிபோகும் அபாயம். கணினி சரியாக இயங்க மறுக்கும், சரி செய்ய பணம் செலவாகும். மன உளைச்சல். முன்னெச்சரிக்கையாக போடப்படும் தடுப்பூசி மருந்து போல. ஒரு பாதுகாப்பு.

3. Talk over Computer - கணினி இருந்தால் இணையத்திலே பேசிக்கொள்ளலாம். அதற்கு நாம் செய்ய வேண்டியது எல்லாம் Voice Over Internet Protocol (VOIP) உள்ள சாப்ட்வேரை டெளன்லோட் செய்து கொள்வது. இது இலவசமாக கிடைக்கிறது. உம்: skype, GTalk , etc வெளிநாட்டிலோ ஊரிலோ இருக்கும் நண்பர்கள், உறவினர்களுக்காக பயன் படும். வீடியோ வசதி இருக்கிறது. பார்த்து கொண்டே பேசலாம். இந்த சேவைக்கு பணம் கிடையாது. நாம் பேசுவதில் சலிக்காதவர்கள். கட்டாயம் தேவைபடும்.

4. Ride don't drive - அதாவது நம்மிடம் இருக்கும் பைக்கோ காரோ உபயோகிப்பதை குறைத்து பொது வாகனங்களை முடிந்தபோது (பஸ் ரயில்)பயன்படுத்தி பார்க்கலாம். சமயத்திற்கு தகுந்தாற் போல் இரண்டையும் கலந்து உபயேகிக்கலாம்.

5. Save Energy - காற்றாலை, தண்ணீரிலிருந்து மின்சாரம் தயாரிப்பது நம்மை போன்றவர்களுக்கு சாத்தியமில்லை. வீடுகளில் எனர்ஜி சேவர் மின்விளக்குகள் வாங்கலாம். சொந்த வீடு இருந்தால், தேவையெனில் சோலார் வாட்டர் ஹீட்டர் வாங்கலாம். கடைகளில் குறிப்பிட்டு கேட்டால், தந்துவிடுவார்கள். காசு கொஞ்சம் போல அதிகம். நாம் செய்ய வேண்டியது எல்லாம், உபயோகமில்லாத போது எந்தவொரு மின்சாதனத்தையும் அணைத்து விடுவது. அவ்வளவுதான், சுலபம்.

6. Banking - debit card - வங்கிகளில் Net Banking என்றொரு வசதி இருக்கிறது. வீட்டில் இருந்தவாறே பண பரிவர்த்தனைகள் செய்யலாம். திருட்டு பயமோ, கால் கடுக்க நிற்க வேண்டிய அவஸ்தையோ இல்லை. debit card என்றால் என்னவென்று வங்கியில் கேட்டால் சொல்லி விடுவார்கள். இந்த இரண்டிற்கும் தனித்தனியே User id (உபயோகிப்பாளர் முகவரி/எண்), password (கடவுச்சொல்) என்று இரண்டு தருவார்கள். அதை பத்திரமாக வைத்துக்கொள்ள வேண்டும். உபயோகிக்க எளிதாக வடிவமைக்கப் பட்டு இருக்கிறது. Net Banking மூலமாக தான் நான் வீட்டு வாடகை கொடுக்கிறேன், வீட்டிற்கு பணம் அனுபலாம், பெறலாம், கரண்ட் பில், இண்டர்நெட் பில் எதையும் செலுத்தலாம். இதனைக் கற்றுகொண்டால் அத்துணை சௌகரியம்.

7. Mobile - அறிமுகம் தேவையில்லாத அதிக எண்ணிக்கையில் பயன்படும் தொழில் நுட்ப சாதனம். மற்ற சௌகரியங்களை கணக்கில் கொண்டால் இது அபாரமானது. உதாரணத்திற்கு, வங்கியில் phone banking வசதி தருகிறார்கள். இலவசம். நம் கணக்கில் பணம் எடுத்தலோ போட்டாலோ உடனே நமது மொபைலுக்கு தகவல் தெரிவிக்கிறார்கள். இதன் பயன் நான் விளக்க தேவையில்லை. மொபைலின் மாற்று உபயோகங்கள் விரிவடைந்து கொண்டே போகிறது. நாம் கற்றுகொள்ள நிறைய இருக்கிறது.

8. Surf - இணையத்தை எவ்வாறு உபயோகித்து கொள்வது? தகவல் தேட, ரயில் பஸ் டிக்கெட் ரிசர்வ் பண்ண, சினிமா டிக்கெட் வாங்க, பாட்டு கேட்க, படம் பார்க்க.... ஏன் இணையத்தை பயன்படுத்தி பணம் சம்பாதிப்பது வரை நிறைய செய்யலாம். அதற்கு இணையத்தில் உலவ கற்றுகொள்ள வேண்டும். தேட கற்றுகொள்ள வேண்டும். Google ஒரு நல்ல ஆரம்பம்.

9. Get a tech career - எந்த துறை தேர்ந்தெடுத்திருந்தாலும் கணினி தொடர்போடு இருங்கள். துறை சார்ந்த கணினி தொடர்பு நிச்சயம் உபயோகமாக இருக்கும்.

10. Remove dump: நம்மிடம் இருக்கும் தேவையில்லாத குப்பைகளை தூக்கி எறியுங்கள். தொகுத்து வைக்க கற்றுகொண்டால் போதும், தேவையானதை தேடிக்கொண்டிருக்க தேவையில்லை. சட்டென கிடைத்துவிடும். நேரம் மிச்சம்.